សេចក្តីជូនដំណឹងអំពីការដាក់ឱ្យដំណើរការ «គំនិតផ្តួចផ្តើមសាលារៀនកម្ពុជា» របស់ក្រសួងរៀបចំដែនដី នគរូបនីយកម្ម និងសំណង់
ថ្ងៃទី១២ ខែធ្នូ ឆ្នាំ២០២៥ ក្រសួងរៀបចំដែនដី នគរូបនីយកម្ម និងសំណង់ បានចេញសេចក្តីជូនដំណឹងអំពីការដាក់ឱ្យដំណើរការ «គំនិតផ្តួចផ្តើមសាលារៀនកម្ពុជា» ក្នុងគោលបំណងចូលរួមរៀបចំផែនការមេសាលារៀន ដោយរួមបញ្ចូលផ្នត់គំនិតនៃការអភិវឌ្ឍទីក្រុង លំហសាធារណៈ គំនិតច្នៃប្រឌិត ការកែលម្អសោភណភាព មុខងារអគារ របៀបរៀបរយ សុខភាពសិក្សា និងប្រយោជន៍សហគមន៍។ គំនិតផ្តួចផ្តើមនេះមាន ២ គម្រោង៖ គម្រោងនិក្ខេបបទស្រាវជ្រាវលើប្រធានបទផែនការមេសាលារៀន និងគម្រោងប្រកួតប្រជែងគំនិតកែលម្អសោភណភាព មុខងារអគារ និងលំហបៃតងសាលារៀន។ គម្រោងទាំងនេះផ្តល់ឱកាសដល់និស្សិតជំនាញស្ថាបត្យកម្ម និងជំនាញរៀបចំក្រុង នគរូបនីយកម្ម ដើម្បីចូលរួមចលនាប្រកួតប្រជែងស្នាដៃឆ្នើម។ និស្សិត និងគ្រឹះស្ថានអប់រំដែលមានចំណាប់អារម្មណ៍ ត្រូវស្កេន QR code ដើម្បីទទួលបានព័ត៌មានលម្អិត នីតិវិធី អត្ថប្រយោជន៍ និងការដាក់ពាក្យប្រកួតប្រជែង ឱ្យបានត្រឹមថ្ងៃទី១៩ ខែធ្នូ ឆ្នាំ២០២៥។
ក្រសួងរៀបចំដែនដី នគរូបនីយកម្ម និងសំណង់
